KUNNING
Pressemeddelse: På Færøerne er Corona-passet allerede en realitet
Pressemeddelse fra Thetis vedrørende coronapass kan downloades her
Koronupass í Apple wallet
Nú ber til at fáa tína váttan fyri negativa koronukanning í Apple Wallet“Nógv av okkara kundum eru fólk, ið skulu brúka eina negativa váttan í sambandi við arbeiði uttanlands. Tá er umráðandi, at ein verulig váttan fyri PCR-kanning er tøk. Tað hevur tíbetur gingið væl, og koronuváttanin frá Thetis hevur verið brúkt til flest lond í heiminum. Fyri at styrkja uppaftur meiri um trúvirðið hava vit nú fingið okkara koronuváttan í Apple Wallet, sum er ein váttan í sær sjálvum.” Sigur Marita D. Magnussen, stjóri
Apple wallet er eitt nú kent fyri at hýsa nándgjald við telefonini og ferðaseðlar. Ein góðkenning skal til fyri at fáa møguleika at brúka Apple wallet, og tí eru vit vorðin sannførd um, at váttanin frá Thetis er millum tær tryggastu á marknaðinum.
Skipanin er nú virkin, og øll tey, ið lata seg kanna hjá Thetis, fáa sjálvvirkandi leinki til at goyma váttanina í Apple Wallet
Andevnisváttan – tá ið ein er koppsettur
Í næstum verður váttan fyri andevnir eisini ment. Tað skal eitt nú brúkast, tá ið fólk eru koppsett. Tann, sum tá verður kannaður fyri andevnir, kann við andevniskanning frá Thetis fáa staðfest, um kroppurin hevur andevnir, og viðkomandi fær so eina váttan fyri tað. Samstundis verður upplýst, nær ein hevur fingið fyrru og seinnu koppseting.
Tað er umráðandi at fáa samfelagið í gongd aftur, og næsta stig er koppseting, og har fara vit við andevniskanningum at kunna hjálpa fólki at prógva, at andevnir eru í kroppinum. Vit taka tó ikki støðu til, um koppsetingin virkar fyri koronu.
Í næstum verður eisini møguligt at fáa hetta til Google Wallet, ið fevnir um Huawai, Samsung og aðrar stýriskipanir.
Pfizer stuðlar Thetis við nýggjari kanning av koppseting av føroyskum børnum
Medisinalfyritøkan Pfizer hevur játtað 700.000 krónur til eina nýggja kanning av koppsetanini av føroyskum børnum. Kanningarstovan Thetis stendur fyri kanningini, sum byggir á arbeiðið hjá Maritu Debess Magnussen, phD og øðrum frá 2018.
Granskingarverkætlanin hevur til endamáls at kanna um børn í aldrinum 0 til 7 ár, sum ganga á føroyskum dagstovnum, eru fongd av streptokokkus pneumoniae. Føroysk børn eru koppsett móti streptokokkus pneumoniae í 12 ár, men kanningin hjá Phd kanningini hjá Maritu Debess Magnussen frá 2018 bendir á, at koppsetingin ikki tekur við tí einu serotypuni av teimum 13. Koppsetingin verjir móti lungnabruna, oyrastingum, meningitis og øðrum sjúkum.
Nýggja granskingarverkætlanin skal finna út av um koppsetingin, sum verður latin børnum í 3, 5 og 12 mánaðar aldri er nóg virkin. Serliga verður hugt at um neyðugt er at broyta koppsetingina til fleiri serotypur enn tær 13, sum eru í koppsetingini í dag. Ein serotypa er ein variatión av teimum bakterium, sum hava sjúku við sær.
Í øðrum lagi verður kannað um vit í Føroyum hava færri tilburðir av invasive pneumoniae aftaná koppseting í 12 ár og hvørjar serotypur eru atvoldin til invasive pneumoniae. Invasive merkir tá bakteriur koma í blóðið og onnur støð í kroppinum.
Marita Debess Magnussen verður vegleiðari hjá einum post.doc lesandi, sum verður sett/ur at loysa uppgávuna. Søkt verður eisini um stuðul frá Granskingarráðnum, umframt at Thetis eisini fíggjar ein part av uppgávuni.
Frambrot fyri Thetis
Fyri Thetis hevur avtalan við Pfizer og nýggja granskingarverkætlanin við sær, at Thetis leggur afturat sínum granskingarførleikum. Saman við viðurkendum granskarum í Íslandi, á Landspitalinum í Reykjavík og á Háskola Islands, hevur Thetis eina aktiva gransking í Føroyum og til gagns fyri føroyingar.
Pfizer framleiðir vaksinuna fyri streptokokkus pneumoniae, og fyri Thetis er tað ein álitisváttan at kunna samstarva við framleiðaran um at betra um eina so týðandi vaksinu fyri føroysk børn.
Granskingarverkætlanin fer eftir ætlan í gongd í februar 2021. Kannað verður eisini í 2022 og 2023 – í mars mánaði. Eftir ætlan taka 1000 børn lut í kanningini.
Úrslitið verður tøkt í 2023 móti ársenda
Thetis Ársins Íverkseti 2020
Thetis bleiv í dag kosin Ársins Íverkseti 2020. Tað er Íverkserahúsið sum letur hesa virðisløn.
Íverksetarahúsið skrivar soleiðis á teirra heimasíðu:
Bárður á Steig Nielsen, løgmaður, kunngjørdi at dómsnevndin hevði valt fyritøkuna THETIS til Ársins Íverkseta. Løgmaður segði millum annað: Ársins Íverkseti hevur loftað einum eftirspurningi frá framleiðsluvinnuni um at veita kanningar í samband við matvøruframleiðsluna í Føroyum. Felagið hevur gjøgnum nøkur ár hevur bygt seg upp til at vera ein kanningarstova á høgum støði. Fyritøkan hevur m.a. fingið altjóða góðkenningar, sum prógv uppá at kanningarnar eru á einum altjóða góðkendum støði.
Fyritøkan hevur uppbygt nógva vitan gjøgnum nógv ár, og hevur alsamt verið klárt til at lofta nýggjum avbjóðingum, tá hesar hava víst seg. Feskasta dømið um hetta er teirra stóri leiklutur í korona kanningunum. Ágrýtni og áræði hevur verið teirra eyðkenni og hevur felagið víst stóran fleksibilitet, fyri at nøkta stóra tørvin, sum brúkarar og samfelagið hevur havt tørv á.
Vit í Thetis takka Íverksetarahúsinum fyri tilnevningina og heiðurin.
Leinkja til stoymingina av Ársins Íverksetaradegi 2020 kann finnast her
Akkreditering næstu fimm árini
Okkara akkreditering frá DANAK er nú endurnýggjað og galdandi næstu fimm árini.
Nú eru vit 5 starvsfólk
Vegna økt virksemi eru vit nú 5 starvsfólk hjá Thetis og hetta fegnast vit um. Okkara toymið er, 1 mikrobiologur, 2 laborantar, 1 góðskusamskipari og 1 hjálparfólk. Okkara fremsta áhugamál eru okkara viðskiftafólkið og vit gera alt fyri at møta teimum og vit 5 hjá Thetis gleða okkum til árið 2020.
Góðskusamskipari til Thetis
Vit søkja eftir einum góðskusamskipara til kanningarstovuna Thetis.
Thetis er eitt privat laboratorium. Vit gera mikrobiologiskar og kemiskar kanningar innan umhvørvi og matvøruframleiðslu. Thetis er akkrediterað eftir ISO 17025 og hetta setur krøv til eina væl stýrda góðskuskipan
Uppgávur:
Sum góðskusamskipari hjá Thetis skalt tú:
- Samskipa góðskuna hjá Thetis
- Standa fyri innanhýsis og uttanhýsis góðskusamskipan
- Hava gott yvirlit
- Vera fleksibul
- Vera kundavinalig/ur
Krøv til útbúgving og førleikar:
Tú skal helst hava:
- Útbúgving innan góðsku
- Hava royndir við ISO skipanum
Tað kann verða ein fyrimunur um tú hevur førleikar innan laboratoriiu arbeiði.
Tað er umráðandi, at tú passar inn í okkara lítla toymið, sum eru ein mikrobiologur, tveir laborantar og eitt hjálparfólk.
Vit bjóða eitt spennandi og avbjóðandi starv.
Løn og setanarviðurskifti
Talan er um eitt fast starv á brøki 0,4 og verður sett skjótast gjørligt. Løn og setanartreytir eru sambært avtalu.
Umsókn:
Umsóknir til starvið við avriti av prógvi, CV, viðmælum o.t. skulu sendast Thetis, Hoyvíksvegur 51, 100 Tórshavn, ella marita@thetis.fo, og skulu vera okkum í hendi í seinasta lagi hin 20.februar 2020.
Nærri upplýsingar fáast við at venda sær til Maritu Debess Magnussen, stjóra, tel. 791800.
Listeria monocytogenes uppá 1 døgn
Listeria monocytogenes uppá 1 døgn uttan konfirmering
Vit hjá Thetis hava í longri tíð arbeitt við at innkoyra og validera Real-Time PCR. Vit hava haft ein PCR serfrøðing á vitjan og vit hava arbeitt við hesum við spenningin.
Vit hava valt at innkoyra ein kanningarhátt sum er valideraður, so vit ikki skulu hugsa um, at positivir prøvar skulu konfirmerast. Hetta hevur al stóran týdning fyri okkara framleiðsluvirkir her á landið.
Vit kunnu nú við gleði siga, at her hjá Thetis kunnu vit kannað reinhaldsprøvar fyri listeria monocytogens uttan konfirmering og hetta vil siga at okkara kundar hava kanningarúrslitini eftir 1 døgn, har tað tók 2 døgn áður áðrenn kundin fekk síni kanningarúrslit.
Bjørt er givin hjá Thetis
Vit vóru í gjár sera hørm um, at siga farvæl við Bjørt. Bjørt hevur valt at flyta aftur til Danmarkar og tískil er hon ikki longur hjá okkum. Vit ynskja Bjørt eina bjarta framtíð og vit eru sannførd um, at tey sum seta Bjørt í starv hjá sær, eru sera heppin.
Bára byrja aftur
Bára er byrja aftur eftir barnsburðarfarloyvi, vit ynskja henni vælkomin aftur ?
Histamin akkrediterað
Histamin kanningin er akkrediterað. Vit hjá Thetis hava arbeitt við hesum í langa tíð og nú hevur Danak góðkent histamin analysuna og vit kunnu nú bjóða okkara viðskifafólkið histamin analysuna nógv skjótari enn áður.
Nýtt telefon nummar
Vit hjá Thetis vilja, at kundar okkara altíð skulu fáa fatur á okkum og tískil hava vit fingið eitt nýtt nummar, sum er 357900. Her kunnu tit ringja og velja hvønn tit vilja hava fatur á. Hetta nummarið svarar alt samdøgrið.
Vatn kunngerðin
Í september 2017 sendi Thetis eina umsók inn til Uttanríkis- og Vinnumálaráðið um at endurskoða Kunngerð nr. 127 um veiting av drekkivatni 22. november 2013. Vit hjá Thetis hildu, at tað ikki var skilagott at skula at áleggja starvsfólkum okkara at taka vatn í munnin, har indikatión var um fekala dálking. Tískil søktu vit um at fáa smakk tiknan úr kunngerðini.
Loksins 1 ár seinni er boð komi frá Uttanríkis- og Vinnumálaráðið, at Uttanríkis- og Vinnumálaráðið fer undir at fyrireika broyting í drekkivatnskunngerðini út frá viðmerkingum hjá Landsdjóralæknanum.
Hetta vil siga, at Thetis ikki smakkar vatnið frá dags dato av og um kundar okkara hava serlig ynski um smakk so verður atlit tikið til hetta.
Staph aureus enn skjótari
Vit hjá Thetis gera nógvar kanningar av Staphylococcus aureus og tískil ynsktu vit at menna hendan kanningarhátt. Vit hava validera kanningarhættin og hava nú minkað kanningar tíðina frá 48 tímum til 24 tímar. Og, sjálvandi er kanningin akkrediterað ?
Vit eru sera fegin um hetta, tí vit ynskja, at verða kappingarfør við skjótleika og bestu góðsku.
Sp/f Thetis
Hoyviksvegur 51
100 Torshavn
