Gransking

Arbeiðsøkið hjá Thetis fevnir eisini um gransking. Marita granskar í antibiotika mótstøðuføri í føroyska samfelagnum og granskingin hevur ført við sær, at arbeiði er útgivið í vísindaligum tíðarritum.

Niðanfyri verður ein lítil stubbi skrivaður um hvørt einstaka økið.

 

Greinin sum varð útgivin í 2014: Antibacterial use in the Faroe Islands, Iceland, and Denmark 1999-2011.  https://www.ncbi.nlm.nih.gov/pubmed/24832850

Hesa grein útgav Marita saman við Thorolfur Gudnason, Ulrich Stab Jensen, Niels Frimodt-Møller og Karl G. Kristinsson. Hon lýsur antibiotika nýtsluna í Føroyum, Ísland og Danmark.

Tað er umráðandi, at hava vitan innan antibiotika nýtslu og at kunna samanbera nýtsluna í Føroyum við nýtsluna í okkara grannalondum. Hendan vitan er umráðandi at hava tá ein skal lýsa um eitt samfelag hevur trupulleikar við antibiotika mótstøðuførum bakterium.

 

Greinin sum varð útgivin í 2016: Antibacterial resistance in Streptococcus pyogenes (GAS) from healthy carriers and tonsillitis patients and association with antibacterial sale in the Faroe Islands.  https://www.ncbi.nlm.nih.gov/pubmed/26833774

Hesa grein útgav Marita saman við Shahin Gaini, Hannes Gislason og Karl G. Kristinsson. Hon lýsir antibiotika mótstøðuføri í group A Streptokokkum, sum ofta eru atvoldin til hálsbruna og tískil krevur hendan bakterian oftani antibiotika viðgerð.

 

Greinin sum varð útgivin í 2017: Antibacterial Susceptibilities of Escherichia coli from Community-Acquired Urinary Tract Infections in the Faroe Islands, Associations with Antibacterial Sales, and Comparison with Iceland and Denmark.  https://www.ncbi.nlm.nih.gov/pubmed/28537778

Hesa grein útgav Marita saman við Hannes Gislason, Shahin Gaini og Karl G. Kristinsson. Hon lýsir antibiotika mótstøðuføri í E. coli, sum ofta eru atvoldin til bløðrubruna og tískil krevur oftani antibiotika viðger. Serliga eru tað kvinnur sum er raktar av bløðrubruna og í føroyska samfelagnum hava vit trupulleikar við antibiotika mótstøðuføri í E. coli, sum hevur við sær at, at kvinnur sum hava bløðrubruna mugu tískil oftani til lækna og harvið fáa fleiri antibiotika viðgerðir.

 

Greinin sum varð útgivin í 2018: Streptococcus pneumoniae: Antimicrobial Resistance and Serotypes of Strains Carried by Children and Causing Invasive Disease in the Faroe Islands.

https://www.ncbi.nlm.nih.gov/pubmed/?term=treptococcus+pneumoniae%EF%BB%BF%3A+Antimicrobial+Resistance+and+Serotypes+of+Strains+Carried+by+Children+and+Causing+Invasive+Disease+in+the+Faroe+Islands.

Hesa grein útgav Marita saman við Helga Erlandsdótti, Shahin Gaini, Thorlfur Gudnason og Karl G. Kristinsson. Hon lýsir antibiotika mótstøðuføri í pneumokokkum, sum oftani eru atvoldin til millumoyrnabruna hjá børnum. Hon lýsir eisini hvussu sjúkugongdin ávirkast í einum samfelag eftir børn blíva koppsett.

 

Onnur gransking

Grein sum varð útgivin í 2009: Ecology of poor-cod (Trisopterus minutus) on the Faroe Bank.  https://www.tandfonline.com/doi/abs/10.1080/17451000802345841

Hesa grein útgav Marita saman við Eyðfinn Magnussen. Hon lýsir føðina hjá glýsufiski á Føroya Banka.

 

Grein sum var útgivin í 2008: Laboratory and in-use assessment of methicillin-resistant Staphylococcus aureus contamination of ergonomic computer keyboards for ward use.  https://www.ncbi.nlm.nih.gov/pubmed/19084159

Hesa grein útgav Marita saman við Peter Wilson, Paul Ostro og Ben Cooper. Hon lýsir hvussu Stafylokokkus aureus spjaðist á hospitalum og hvussu reingerð kann minkað um spjaðingina. S. aureus kann verða ein vandamikli bakteria og kann elva til álvarsama sjúka hjá fólkið við niðursettari immunverju.